پیرس ائر شو میں پاکستانی جے ایف 17 تھنڈر طیارے کی گھن گرج، حاضرین دنگ رہ گئے

اسلام آباد (نوائے وقت رپورٹ) ترجمان پاک فضائیہ کے مطابق 53 ویں پیرس انٹرنیشنل ایئر شو کی افتتاحی تقریب کے دوران جے ایف 17 تھنڈر کے شاندار فضائی مظاہرے، گھن گرج سے پیرس کی فضائیں گونج اٹھیں۔ پاکستانی پرچم کے رنگوں میں رنگے فخر پاکستان نے مسحور کن فضائی مظاہرہ پیش کیا۔ پاک فضائیہ کے ڈیمو پائلٹ ونگ کمانڈر ذیشان بریار نے شاندار مظاہرے کئے۔ جے ایف 17 تھنڈر نے غیر معمولی کرتب د کھائے۔ حاضرین دنگ رہ گئے اور زبردست محضوظ ہوئے۔