مسلم لیگ ن کی پنجاب اسمبلی میں دوقراردادیں جمع

لاہور(خصوصی نامہ نگار ) مسلم لیگ (ن) کی رکن پنجاب اسمبلی حنا پرویز بٹ نے بجلی کی غیر اعلانیہ لوڈشیڈنگ کیخلاف قرارداد پنجاب اسمبلی میں جمع کرادی ہے۔جمع کرائی گئی قرارداد میں کہاگیا ہے کہ گرمی کی شدت میں اضافے کے ساتھ ہی غیر اعلانیہ لوڈ شیڈنگ کا سلسلہ بھی شروع ہو گیا ہے۔شہری علاقوں میں 12اور دیہی علاقوں میں 14گھنٹے کی لوڈشیڈنگ ہو رہی ہے۔بھٹہ مزدوروں کے بچوں کا ماہانہ وظیفہ بحال کرنے کے مطالبے کی قرارداد پنجاب اسمبلی میں جمع،قرارداد مسلم لیگ (ن) کی رکن سمیرا کومل کی جانب سے جمع کرائی گئی ہے۔