اسلام آباد(نیوزرپورٹر)  وفاقی وزیر برائے انسانی حقوق ڈاکٹر شیریں مزاری  نے کہا ہے کہ کورونا وباء نے عدم مساوات کو بڑھا دیا ہے جس کے نتیجے میں بچے خطرناک حالات میں کام کرتے ہیں جو ان کی جسمانی اور نفسیاتی صحت کے لئے نقصان دہ ہیں۔  چائلڈ لیبر پاکستان کے آئین کی خلاف ورزی ہے۔ان خیالات کا اظہار انہوں نے    اقوام متحدہ نیشنلز چلڈرن فنڈ ،  چائلڈ لیبر کے خاتمے کے لئے عالمی یوم سال کی یاد اور بچوں کے لیبر کے خلاف عالمی دن کے موقع پر ایک آن لائن ویبینار سے خطاب میں کیا۔  ڈاکٹر شیریں مزاری نے خطاب کرتے ہوئے کہا کہ "COVID-19 نے عدم مساوات کو بڑھا دیا ہے جس کے نتیجے میں بچے خطرناک حالات میں کام کرتے ہیں جو ان کی جسمانی اور نفسیاتی صحت کے لئے نقصان دہ ہے۔ انہوں نے اس بات پر بھی زور دیا کہ چائلڈ لیبر پاکستان کے آئین کی خلاف ورزی ہے جو 14 سال سے کم عمر بچوں کو مضر کام کرنے سے منع کرتا ہے۔ آئین ریاست 16 سال تک کے بچوں کو مفت تعلیم کی فراہمی کا بھی عہد کرتا ہے۔ انہوں نے یہ بھی روشنی ڈالی کہ "ہم ایک ریاست کی حیثیت سے بچوں کی مزدوری کوبین الاقوامی لیبر آرگنائزیشن قوانین اور بچوں کے حقوق سے متعلق بین الاقوامی کنونشن کے مطابق ہر طرح سے ختم کرنے کے لئے پرعزم ہیں ، ، جن پر پاکستان دستخط کنندہ ہے۔انہوں نے حکومت پاکستان کی جانب سے بچوں کے حقوق کے تحفظ کے لئے متعدد اقدامات پر روشنی ڈالی۔