لاہور(لیڈی رپورٹر)تحریک انصاف کی خواتین ارکان اسمبلی نے کہا کہ گالی گلوچ پنجاب کی ثقافت نہیںصرف ن لیگیوں کا کلچر ہے،پھلتے پھولتے اور ترقی کرتے پاکستان نے کرپٹ اپوزیشن کی رات کی نیندیں حرام کردی ہیں ۔ رکن قومی ا سمبلی ڈاکٹر نوشین حامد معراج نے کہاکہ قوم کا وقت ضائع کرنے کی بجائے اپوزیشن اسمبلی میں اپنا مثبت کردار ادا کرے۔ رکن قومی اسمبلی ڈاکٹر سیمی بخاری نے کہاکہ پی ٹی آئی پنجاب حکومت نے صوبے بھر میں خدمت آپ کی دہلیز پروگرام شروع کر کے عوامی خدمت کی ایک تاریخ رقم کی ہے۔ رکن قومی اسمبلی شنیلاروتھ نے کہاکہ تحریک انصاف کرپٹ اپوزیشن کو ہر محاذ پر انہیں بے نقاب کرتی رہے گی۔ رکن پنجاب اسمبلی شاہدہ احمدملکہ نے کہاکہ وزیراعظم عمران خان کی قیادت میں پی ٹی آئی کی حکومت نے ریکارڈ ترقیاتی منصوبے شروع کئے ہیں۔