فیروزوالا ( نامہ نگار)ڈکیتی،چوری اور راہزنی کی متعدد وارداتوں  میں ڈاکوں کی لوٹ مار ڈاکوؤں نے شہریوں کو لاکھوں روپے مالیت کے قیمتی سامان سے محروم کردیا ۔مزاحمت پر ڈاکوؤں نے 2 افراد کو زخمی کر دیا۔تھانہ فیکٹری ایریا کے علاقے رانا بھٹی کے قریب ڈاکوؤں نے 30 مسافروں سے نقدی ،موبائل اور دیگر سامان لوٹ لیا۔ ڈاکو ؤں نے بھٹے میں داخل ہوکر ملازمین کو لوٹ لیا۔ابراہیم چوک کے قریب دن دیہاڑے موٹر سائیکل سوار ڈاکوؤں نے تاجر احمدعلی سے چار لاکھ روپے چھین لئے۔ سگیاں چوک کے قریب ڈکیتی کی واردات کے دوران مزاحمت پر ڈاکوؤں نے دکاندار کو زخمی کردیا ۔مبارک آباد کے قریب ڈاکو نے ڈرائیور کو زخمی کردیا ۔عابد ٹاؤن میں 3ڈاکوؤں نے نوجوان عرفان کو یرغمال بنا کر اسکی موٹرسائیکل ،14ہزار روپے نقدی اورموبائل فون چھین لیا۔غازی پھاٹک بائی پاس پرعرفان کی دکان میں گھس کر نقدی موبائل فون،سٹی مریدکے علاقہ کالا پل کے قریب ڈاکوؤں نے حسنین نامی شخص کی دکان میں گھس کر3لاکھ روپے نقدی چھین لی۔ٹی ایچ کیومریدکے ہسپتال کے باہر سے مبشر کی موٹر سائیکل،فیروز والاکے علاقہ سے عثمان کی موٹر سائیکل،رحمان گارڈن سے نوجوان مدیح کی موٹر سائیکل،صدر مریدکے کے علاقہ موبائل فرنچائز کے باہر سے وسیم کی موٹر سائیکل مریدکے میں نامعلوم نسیم کی دکان سے قیمتی سامان لے اڑئے۔