انتظامیہ نے کہروڑپکا میں 1 ہزار  من گندم سے بھرا ٹرالر پکڑلیا

کہروڑپکا (خبر نگار )خفیہ ادارے نے گندم سے بھرا ٹرالر سمگلنگ کرنے کی کوشش ناکام بنا دی تفصیل کے مطابق کہروڑپکا چورواہ کے علاقے میں خفیہ ادارے کی نشاندہی پر پاسکو انچارج جاوید سیال نے ذخیرہ شدہ گندم سمگلنگ کرنے والوں کے خلاف کاروائی کرتے ہوئے 1 ہزار من گندم سے بھرا ٹرالر تحویل میں لے لیا۔ پولیس بھی موقع پر پہنچ گئی۔ گندم کو پاسکو سنٹر منتقل کیا جانے لگا تو ذخیرہ اندوزوں کی جانب سے سخت مزاحمت کا سامنا کرنا پڑا۔  ملزمان نے  پولیس اور پاسکو عملے سے تلخ کلامی بھی کی۔گندم کو پولیس کی مدد سے پاسکو سنٹر منتقل کر دیا گیا۔