اسلام آباد+ کراچی (نمائندہ خصوصی+ نوائے وقت رپورٹ) پاکستان پیپلز پارٹی کے سیکرٹری جنرل نیئر حسین بخاری کی انجیو پلاسٹی مکمل ہو گئی، نیر بخاری کو اچانک دل کی تکلیف پر سٹنٹ ڈال دیا گیا۔ اعلامیہ کے مطابق نیئر بخاری طبیعت میں بہتری پر ہسپتال سے گھر منتقل ہو گئے۔ ادھر چیئرمین بلاول بھٹو زرداری نے بھارہ کہو میں نیئر بخاری کی رہائشگاہ پر جا کر ان کی عیادت کی اور نیئر بخاری کی صحت یابی کیلئے نیک تمناؤں کا اظہار کیا ۔