لاہور (سپورٹس رپورٹر) پاکستان سپر لیگ کے چھٹے سیزن میں لاہور قلندرز کو مسلسل دو میچوں میں شکست ‘پلے آف مرحلے میں رسائی کیلئے صورتحال دلچسپ ہو گئی ۔ فیصلہ رن ریٹ کی طرف گامزن‘ کراچی کنگز نے لاہور قلندرز کو سات رنز ‘ملتان سلطانز نے80رنز سے ہرا یا ۔ ابوظہبی میں کھیلے گئے میچ میں کراچی کنگز نے ٹاس جیت کر لاہور قلندرز کو جیت کیلئے177کارنز کا ہدف دیا، جواب میں حریف ٹیم 169رنز ہی بناسکی۔ کنگز کے نور احمد نے2 ‘محمدالیاس نے2عماد وسیم اورعباس آفریدی نے1،1وکٹ حاصل کی۔ قلندرز کے محمد حفیظ کے36،ٹم ڈیوڈ کے34،جیمزفالکنر کے33رنز بھی ٹیم کو فتح سے ہمکنار نہ کرسکے، کنگز کی جانب سے بابراعظم54،مارٹن گپٹل43رنز بنا کر نمایاں رہے۔ قلندرز کے راشدخان نے2کھلاڑیوں کو آوٹ کیا ۔دوسرے میچ میںلاہور قلندرز نے ٹاس جیت کر فیلڈنگ کا فیصلہ کیا ۔ ملتان سلطانز نے 8وکٹوںپر 169رنز بنائے ۔ صہیب مقصود 60‘رائیلی روسو29اور سہیل تنویر26رنز بناکر نمایاں رہے ۔ شاہین آفریدی نے3 ‘جیمز فولکنر نے 2کھلاڑیوں کو آئوٹ کیا ۔ جواب میں لاہور قلندرز کی ٹیم89رنز پر ڈھیر ہو گئی ۔ شاہنوا ز دھانی نے چار اور عمران خان نے تین کھلاڑیوںکو آئوٹ کیا ۔پوائنٹس ٹیبل پر اسلام آباد یونائٹیڈ چودہ پوائنٹس کیساتھ پہلے نمبر پر ہے جبکہ آج آخری میچ ملتان سلطانز کیخلاف ہو گا۔ ملتان سلطانز دس پوائنٹس کیساتھ دوسرے نمبر پر آگئی ہے جبکہ ایک میچ باقی ہے ۔ پشاور زلمی دس پوائنٹس کیساتھ تیسرے ‘تمام میچز مکمل ‘لاہور قلندرز دس پوائنٹس کیساتھ چوتھے نمبر پر تمام میچز مکمل ‘کراچی کنگز آٹھ پوائنٹس کیساتھ پانچویں نمبر پر ایک میچ باقی جبکہ کوئٹہ گلیڈی ایٹرز چار پوائنٹس کیساتھ پہلے ہی باہر ہوچکی ہے ۔ ایک میچ باقی ہے ۔