پاکستان سپر لیگ سکس کے سلسلہ میں آج دو آخری رائونڈ میچز کھیلے جائیں گے ۔ پہلا میچ کوئٹہ گلیڈی ایٹرز اور کراچی کنگز کے درمیان کھیلا جائے گا۔ میچ پاکستانی وقت کے مطابق شام چھ بجے ابو ظہبی میں شرو ع ہو گا۔دوسرا میچ ملتان سلطانز اور اسلام آباد یونائیٹڈ کے درمیان رات گیارہ بجے شروع ہوگا۔ کل20 جون کو تما م ٹیمیں پریکٹس کریں گی ۔21 جون کو کوالیفائر رائونڈ شرو ع ہوگا جس میں پوائنٹس ٹیبل پر پہلی بمقابلہ دوسری پوزیشن والی ٹیم)ایلیمینیٹر 1 (پوائنٹس ٹیبل پر تیسری بمقابلہ چوتھی پوزیشن والی ٹیم مد مقابل ہونگی ۔22 جون: ایلیمینیٹر 2 (کوالیفائر ہارنے والی ٹیم اور ایلیمینیٹر 1کی فاتح ٹیم کے درمیان مقابلہ ہو گا۔ 23 جون کو آرام اورٹریننگ کا دن ہوگا۔ ایونٹ کا فائنل میچ 24جون کو کھیلا جائیگا۔ لاہور قلندرز کے کپتان سہیل اخترنے کہا ہے کہ کراچی کنگز کے خلاف مجموعی طورپر اچھی بیٹنگ رہی، بس مڈل میں تھوڑی مشکل ہوئی۔ ابھی ایک میچ باقی ہے اس میں اچھا کرنے کی کوشش کریں گے۔کوشش کرینگے کہ اچھی کارکردگی کا مظاہرہ کریں ۔ تمام کھلاڑی کامیابی کیلئے پر عزم ہیں ۔ بائولنگ اٹیک بھی مضبوط ہے ۔ کراچی کنگز کے کپتان عماد وسیم نے کہاہے کہ  پہلے آف مرحلہ کیلئے کوالیفائی کرنا پہلا ہدف ہے ۔ لاہور قلندرز کے خلاف بائولرز نے پلان کے مطابق بائولنگ کی، اگلے میچ میں بھی ایسی ہی کارکردگی دہرائیں گے۔ اگلا میچ جیت کر پلے آف کیلئے کوالیفائی کریں گے۔کوشش کرینگے کی اچھی کرکٹ کھیل کر ٹائٹل کا کامیابی سے دفاع کریں ۔ اسلام آباد یونائیٹڈ کے فاسٹ بائولر حسن علی نے کہاہے کہ اس سیزن میںجیت تو ان ہی کی ٹیم کی ہے۔سوشل میڈیا پر انہوں نے مختلف طریقوں سے جشن مناتے ہوئے ویڈیو شیئر کی اور اپنے سنیک ویڈیو اکاؤنٹ کی تفصیلات دیں اور مداحوں کو اس اکاؤنٹ کو فالو کرنے کا کہا۔انہوں نے سوشل میڈیا سائٹ ٹوئٹر پر جاری پیغام میں اسلام آباد یونائیٹڈ کے ترانے کے بول لکھتے ہوئے کہا کہ ’پرستاروں کتنا رولا ڈالو گے، جیت تو اسلام آباد یونائیٹڈ کی ہے اس بار ۔