لاہور(کلچرل رپورٹر ) گلوکار عطا اللہ کی بیٹی ویژیول آرٹسٹ لاریب عطا نے کہا کہ پاکستان سے لندن جانا کبھی بھی آسان نہیں تھا، بہت سارے چیلنجز تھے، قابو پانے کیلئے انتھک محنت کی۔ ہالی ووڈ میں کامیابی محنت کا نتیجہ ہے ۔ یہی وجہ ہے کہ آج میں دنیا کی ان چند خواتین میں سے ایک ہوں جو کہ ویژیول ایفیکٹس کے شعبے میں کام کر رہی ہیں جبکہ پاکستان سے شاید میں پہلی خاتون ہوں جو کہ ویژیول آرٹسٹ ہے۔ میں اور میری ٹیم پاکستانی ثقافت کو دنیا بھر میں متعارف کروا رہے ہیں۔