چوکی انچارج کے کارخاص اور رضا کارمیں تصادم، سر پھاڑ دیا

قلعہ دیدار سنگھ(نامہ نگار)منشیات فروش سے مک مکا میں حصہ داری پر لدھیوالہ وڑائچ  پولیس چوکی انچارج کے کارخاص اور رضا کارمیں جھگڑا مکوں ٹھڈوں اور کرسیوں سے ایک دوسرے  پر تشدد ایک کا سر پھاڑ دیا۔ذرائع کے مطابق سرکل پولیس قلعہ دیدار سنگھ کی چوکی  لدھیوالہ وڑائچ کے انچارج اے ایس آئی امیر حمزہ بٹ کے کار خاص رضا کار نواب نے گرفتار ہونے والے بدنام زمانہ منشیات فروش چندو سے بیس ہزار روپے میں مک مکا کر لیا۔جسکا علم دوسرے رضا کار عمران کو ہوا تو اس نے اپنا حصہ مانگا جس کی وجہ سے دونوں کے درمیان ہونے جھگڑا ہو گیا اور دونوں نے کرسیوں مکوں ٹھڈوں سے ایک دوسرے کو تشدد کا نشانہ بنایا عینی شاہدین کے مطابق اس وقت پولیس چوکی میں موجود چوکی انچارج اے ایس آئی امیر حمزہ بٹ اور اے ایس آئی ماجد بیگ سمیت دیگر اہلکار تماشہ دیکھتے رہے اہلیان لدھیوالہ وڑائچ نے سی پی او گوجرانوالہ رائے اعجاز احمد سے چوکی انچار ج اور رضا کاروں کے خلاف کاروائی کا مطالبہ کیا ۔واضح رہے کہ سب انسپکٹر  انچارج تھانہ لدھیوالہ وڑائچ سلمان کے موقف کے مطابق اس واقعہ کا میرے مجھے عمل نہیں۔