حج 27 جون کو‘ سعودی عرب میں چاند نظر  آ گیا‘پاکستان میں آج دیکھا جائے گا

ریاض+ لاہور (نوائے وقت رپورٹ) سعودی عرب میں ذی الحجہ کا چاند نظر آ گیا۔ غیرملکی خبر ایجنسی کے مطابق سعودی عرب میں عیدالاضحیٰ 28 جون بروز بدھ کو ہو گی۔ حج کا رکن اعظم وقوف عرفہ جمعرات 27 جون کو ہو گا۔ پاکستان میں ذی الحج کا چاند دیکھنے کے لیے مرکزی رویت ہلال کمیٹی کا اجلاس آج بروز پیر کو کراچی میں ہوگا‘ جس کی صدارت چیئرمین رویت ہلال کمیٹی سید عبدالخبیر آزاد کریں گے۔ کلائیمیٹ ڈیٹا پروسیسنگ سینٹر کے مطابق پاکستان میں ذی الحج کا چاند آج 19جون کو نظر آنے کا قوی امکان ہے جس کے نتیجے میں عید الاضحی 29جون بروز جمعرات کو ہوسکتی ہے۔