ایک ہفتہ میں چوری وڈکیتی کی وارداتوں میں ملوث 37 ملزم گرفتار

لاہور(نامہ نگار) ایس پی ڈولفن زوہیب نصر اللہ رانجھا نے ڈولفن سکواڈ اور پی آر یو کی گزشتہ ہفتے کی کارکردگی رپورٹ سے آگاہ کرتے ہوئے بتایا کہ ہیلپ لائن پرموصول2061کالزپر کارروائی عمل میں لائی گئی۔ چوری وڈکیتی کی وارداتوں میں ملوث 37 ملزمان گرفتارکئے گئے۔ملزموں سے103 موٹرسائیکلیں،13 موبائل فون اورہزاروں روپے نقدی برآمدکی گئی۔20 پستول،3 رائفل،میگزین اورمتعددگولیاں قبضہ میں لی گئیں۔ شراب، چرس و ہیروئن برآمد کی گئیں۔ 16 اشتہاری،117عادی مجرمان گرفتار جبکہ 12 عدالتی مفروران بھی حراست میں لئے گئے۔ کوائف کی تصدیق نہ ہونے پر135گاڑیاں وموٹر سائیکلیں تھانوں میں بند کی گئی ۔ جبکہ306 اشخاص کے خلاف قانونی کارروائی کی گئی۔ ون ویلنگ میں ملوث 33 جبکہ پتنگ بازی میں ملوث 6 ملزمان گرفتارکئے گئے۔