لاہور(نامہ نگار) ہر کے مختلف علاقوں شاہدرہ ،شاہدرہ ٹاﺅن ،راوی روڈ ،نولکھا ،شفیق آباد ،ٹبی سٹی ،مصری شاہ،اسلام پورہ ،نیوانارکلی ،گجر پورہ ،شالیمار ،سول لائن ،قلعہ گجر سنگھ ،گڑھی شاہو،لٹن روڈ ،مزنگ ،سمن آباد ،ملت پارک ،گلشن راوی ،شیراکوٹ ،وحدت کالونی ،اقبال ٹاﺅن ،گلبرگ،لیاقت آباد ،فیصل ٹاﺅن ،غالب مارکیٹ ،کاہنہ ،نصیر آباد ،کوٹ لکھپت ،نشتر کالونی ،فیکٹری ایریا،غازی آباد ،ہنجروال ،ٹاﺅن شپ ،گرین ٹاﺅن ،سٹی رائیونڈ ،دھرم پورہ ،ہربنس پورہ ،صدر بازار سمیت شہر کے دیگر علاقوں میں پتنگ بازی کا سلسلہ جاری رہا ۔پولیس اس قاتل کھیل کو روکنے میں ناکام رہی پولیس نے خانہ پوری کرنے کے لئے اعلیٰ افسران کے احکامات پر شہر کے مختلف علاقوں سے33پتنگ بازوں کو گرفتار کرکے ان کےخلاف کائٹ فلائنگ ایکٹ کے تحت مقدمات درج کرکے حوالات میں بند کر دیا جبکہ پولیس نے متعدد پتنگ بازوں سے مبینہ طور پر ساز باز کرکے ان کو چھوڑ دیا ۔شہریوں نے اعلیٰ حکام سے مطالبہ کیا ہے کہ پولیس کو پابند کیا جائے کہ اس قاتل کھیل کو فوری طور پر بند کیا جائے تاکہ اس سے کسی معصوم شہری کی جان کا ضیاع نہ ہو سکے۔ اس سے قبل متعد دمعصوم بچے اور بڑے اس قاتل کھیل کی نظر ہو چکے ہیں ۔