میران شاہ (آئی این پی ) خیبرپختونخوا کے ضلع شمالی وزیرستان میں کھلونا بم پھٹنے سے ایک نوعمر لڑکا دونوں ہاتھوں سے محروم ہوگیا۔ ریسکیو حکام کے مطابق واقعہ شمالی وزیرستان کے تحصیل میرانشاہ میں اس وقت پیش آیا جب متاثرہ لڑکا قریب پہاڑ میں لکڑیا اکھٹا کر رہا تھا۔ کھلونا بم اٹھانے سے اچانک دھماکا ہوگیا جس سے13 سالہ محسن دونوں ہاتھوں سے محروم ہوگیا۔ حکام کے مطابق زخمی لڑکے کو ڈی ایچ کیو اسپتال میرانشاہ میں ابتدائی طبی امداد کے بعد مزید علاج کیلیے خلیفہ گلنواز اسپتال بنوں منتقل کردیا۔