کولمبو میں کھیلے جا رہے ورلڈ کپ کرکٹ دوہزار گیارہ کے اہم میچ میں آسٹریلیا نے ٹاس جیت کر پہلے بیٹنگ کرنے کا فیصلہ کیا جو سود مند ثابت نہ ہوا۔ پاکستانی باؤلروں نے کسی بھی آسٹریلوی بیٹسمین کو روایتی کھیل پیش کرنے کا موقع نہ دیا ۔آسٹریلیا کو پہلا نقصان صرف بارہ رنز پر اٹھانا پڑا جب شین واٹسن نو رنز بنا کر عمر گل کا شکار بنے اس کے بعد آسٹریلوی وکٹیں وقفے وقفے سے گرتی رہیں اور پوری ٹیم سینتالیسویں اوور میں ایک سو چھتر رنز بنا کر آؤٹ ہو گئی۔آسٹریلیا کی طرف سے بریڈ ہیڈن بیالیس رنز بنا کر نمایاں رہے۔ پاکستان کی طرف سے عمر گل نے تین اور عبدالرزاق نے دو کھلاڑیوں کو آؤٹ کیا۔