ملتان میں حضرت شاہ رکن عالمؒ کا عرس شروع، شاہ محمود قریشی نے مزار کوغسل دیا

ملتان (اے پی پی) عظیم روحانی پیشوا حضرت شاہ رکن الدین عالمؒ کا سالانہ عرس پیر کو ملتان میں شروع ہو گیا۔ عرس کی تقریبات تین روز جاری رہیں گی۔عرس میں شرکت کےلئے اندرون سندھ سمیت ملک بھر سے زائرین کی بڑی تعداد ملتان آئی ہوئی ہے۔عرس کے موقع پر مزار اور قلعہ قاسم باغ پر سخت حفاظتی انتظامات کئے گئے ہیں۔ سجادہ نشین مخدوم شاہ محمود قریشی نے مزار کو غسل دیا۔ بعدازاں مزار کے احاطے میں خصوصی تقریب منعقد ہوئی جس میں صوبائی وزیر مذہبی امور حاجی احسان الدین قریشی، پیر سید علی حسنین شاہ، محمود الحسن قریشی، زین قریشی اور دیگر نے بھی خطاب کیا۔