مانسہرہ (نوائے وقت رپورٹ) شیر خان آباد مانسہرہ میں غیرت کے نام پر 2 بہنوں کو قتل کردیا گیا۔ پولیس کے مطابق خواتین کے قتل کے الزام میں 4 افراد کو گرفتار کر لیا گیا ہے۔گرفتار افراد میں مقتول بہنوں کا والد بھی شامل ہے۔ ایس ایچ او نے کہا ہے کہ عدالت سے قبرکشائی اور پوسٹ مارٹم کی اجازت حاصل کی جائے گی۔ ملزم حاجی خان نے کہا کہ خواتین کو روکنے کیلئے شیرزادہ نے پستول نکالا جو غلطی سے چل گیا۔ ایس ایچ او کے مطابق شک ہے کہ خواتین کو غیرت کے نام پر قتل کیا گیا۔