بنگلہ دیش: چوکی کو خود کش حملے سے اڑانے کی کوشش ناکام ،بمبار ہلاک

ڈھاکہ (آن لائن) بنگلہ دیش پولیس نے سکیورٹی چوکی پر حملے کی کوشش ناکام بناتے ہوئے ایک مشتبہ عسکریت پسند کو گولی مار کر ہلاک کردیا ۔ ڈھاکہ میٹرو پولیٹن پولیس کے ایک عہدیدار نے بتایا کہ ایک تیز رفتار موٹر سائیکل سوار نے ڈھاکہ کے علاقے خیلگائون میں ریپڈ ایکشن بٹالین کی چوکی میں دھماکہ خیز مواد سمیت گھسنے کی کوشش کی۔ ہلاک شخص کے بیگ سے بھاری مقدار میں دھماکہ خیز مواد برآمد ہونے پر بم ڈسپوزل سکواڈ کو بلایا گیا۔