پی ایس ایل سٹہ ‘کراچی سے 15بکیز گرفتار‘نجی ٹی وی کا ملازم بھی پکڑا گیا

لاہور (نمائندہ سپورٹس )کراچی میںدرخشاں پولیس نے پی ایس ایل میچ پرسٹہ کھیلنے والے 15 بکیز کو گرفتار کرلیا۔گرفتارشدگان میں فیصل بافیلہ، فیصل بابا، ندیم جمائی راجہ، ظہیر اور عزیر عرف کمو سمیت دیگر ملزمان شامل ہیں۔ پولیس نے نجی ٹی وی چینل کے ملازم فراز کو بھی حراست میں لیا ہے۔، ملزمان کے قبضے سے 39 موبائل فونز، ساڑھے 6 لاکھ روپے مالیت کی ملکی و غیر ملکی کرنسی، تین لیپ ٹاپ اور قیمتی دستی گھڑیاں برآمد ہوئی ہے، ملزمان سولجر بازار کے رہائشی ہیں۔ شہر میں 88 بکی کام کررہے ہیں۔