کنٹرول لائن: بھارتی فوج کی بلا اشتعال فائرنگ، پاک فوج کا بھر پور جواب

راجوڑی (آن لائن) لائن آف کنٹرول کے راجوری سیکٹر پر بھارتی فوج کی بلا اشتعال فائرنگ،پاک فوج کی جوابی کارروائی میں ایک بھارتی فوجی ہلاک اور تین دیگر زخمی ہوگئے۔بھارتی خبررساں ادارے آئی اے این ایس نے فوجی عہدیدار کا حوالہ دیتے ہوئے کہا لائن آف کنٹرول کے ڈسٹرکٹ راجوری سندربانی سیکٹر کے علاقے کیری بٹل میں فائرنگ کا تبادلہ ہوا۔ بھارتی حکام نے الزام عائد کیا کہ پاک فوج کی جانب سے سیز فائر کی خلاف ورزی کرتے ہوئے بھارتی پوسٹوں پر فائرنگ کی گئی جس سے ایک بھارتی فوجی ہلاک اور تین زخمی ہوگئے۔ فائرنگ کا یہ تبادلہ ایک گھنٹے تک جاری رہا۔