لاہور (نیوزرپورٹر )صدرِپاکستان ڈاکٹر عارف علوی نے پناسیہ ہیلتھ کئیر سسٹم کو ایک خط لکھا ہے جس میں انہوں نے نہ صرف صحت وصفائی کے حوالے سے ملک بھر میںپناسیہ ہیلتھ کئیر سسٹم کی جانے والی مہم ــ’’ نیا پاکستان صاف اور صحت مند پاکستان ــ‘‘ کی تعریف کی بلکہ اپنی بھرپورسپورٹ کابھی یقین دلایا ہے۔ صدر کے خط کے حوالے سے پناسیہ ہیلتھ کئیر کے چیف ایگزیکٹو ڈاکٹر بلال احمد نے بتایا کہ خط میں صدرِپاکستان کا مزید کہنا تھا کہ انہیں یہ جان کر بے حد خوشی ہوئی ہے کہ پناسیہ ہیلتھ کئیر سسٹم ملک بھر میں صحت و صفائی کے حوالے سے ایک مہم کر رہا ہے ۔