لاہور(سپورٹس رپورٹر) 72ویں پنجاب گیمز 2019ء کے لئے پنجاب کی 9ڈویژنز میں کھلاڑیوں کے ٹرائلز جاری ہیںڈائریکٹر جنرل سپورٹس پنجاب ندیم سرور نے آفیشلز کو کھلاڑیوں کا انتخاب میرٹ پر کرنے کی ہدایت کی ہے، پیر کے روز اپنے ایک بیان میںڈائریکٹر جنرل سپورٹس پنجاب ندیم سرور نے کہا ہے کہ 72ویںپنجاب گیمز 2019ء کا انعقاد 8سال بعدکیا جارہا ہے، پنجاب گیمز سے نئے کھلاڑیوں کی کھیپ سامنے آئے گی، 72ویںپنجاب گیمز میں کھلاڑیوں کو بہترین سہولتیں فراہم کررہے ہیں،نوجوان جس جوش و جذبہ سے ٹرائلز میں حصہ لے رہے ہیں اس سے امید کی جاسکتی ہے کہ پاکستا ن میں کھلاڑیوں کا مستقبل روشن ہے، نوجوان محنت کریں ، سپورٹس بورڈ پنجاب ان کو ہر قدم پر سہولتیں فراہم کرے گا۔ڈائریکٹر جنرل سپورٹس پنجاب ندیم سرور کی ہدایت پر9ڈویژنز میںمردوخواتین کھلاڑیوںکے انتخاب کا سلسلہ جاری ہے،راولپنڈی،ساہیوال اور بہاولپور ڈویژنزمیں 30کھیلوں کے لئے کھلاڑیوں کے ٹرائلز مکمل ہوگئے ہیں۔ آئندہ دو روز میں30کھیلوں کے لئے کھلاڑیوں کے ٹرائلز مکمل کرلئے جائیں گے۔ ندیم سرور نے کہا ہے کہ سپورٹس بورڈ پنجاب نوجوانوں کو صلاحیتوں کا اظہار کرنے کے لئے اگلے ماہ 72پنجاب گیمز کا انعقاد کررہا ہے، اس ایونٹ سے سپورٹس کو فروغ ملے گا اور نوجوانوں میں صحت مند سرگرمیوں میں حصہ لینے کا رحجان بڑھے گا، نوجوانوں کے مقبول کھیل لان ٹینس کو بھی پنجاب گیمز میں شامل کیا گیا ہے۔