صحابہ کرامؓ اور اہلبیت ؓ کی محبت لازم وملزوم ہے:اشرف آصف جلالی

لاہور (خصوصی نامہ نگار)تحریک لبیک یا رسول اللہ صلی اللہ علیک وسلم و تحریک صراط مستقیم کے زیر اہتمام مرکز صراط مستقیم تاج باغ میں عظیم صحابی رسولؐحضرت امیر معاویہؓ کی یاد میں اور حضرت سیدناا ما م جعفر صادقؓ کی یاد میں روحانی اجتماع کا انعقاد کیا گیا۔ اجتماع سے خطاب کرتے ہوئے تحریک لبیک یا رسول اللہ صلی اللہ علیک وسلم کے سربراہ ڈاکٹر محمد اشرف آصف جلالی نے کہاـ:محبت اہل بیت اطہار ؓ اور محبت صحابہ کرامؓ آپس میں لازم و ملزوم ہیں۔امت مسلمہ کی وحدت کا راز اسی میں مضمر ہے۔عصر حاضر میں صحابہ و اہل بیتؓ کے درمیان اختلاف گھڑنے والے اور انہیںہوا دینے والے امت مسلمہ میں انتشار پھیلانے والے ہیں۔ حضرت امیر معاویہ ؓ کے صحابی رسول ؐہونے کی وجہ سے پوری امت پرآپ کا احترام لازم ہے۔