چیئرمین اکادمی ادبیات سے پرتگال کے سفیرپاولونیویشن پوسینو کی ملاقات 

 اسلام آباد(نا مہ نگار)پاکستان اورپرتگال کے مابین ادبی روابط کو مزید مستحکم کریں گے ۔ ان خیالا ت کا اظہار اکادمی ادبیات پاکستان کے چیئرمین میر یٹوریس پروفیسرڈاکٹر یوسف خشک نے پاکستان میں متعین پرتگا ل کے سفیر پاولونیویشن پوسینو سے اکادمی ادبیات پاکستا ن میں ملاقات کے دوران کیا ۔ چیئرمین اکادمی پرو فیسرڈاکٹر یوسف خشک نے پر تگا ل کے سفیر پاولونیویشن پوسینو کو خوش آمدیدکہتے ہوئے کہا کہ پرتگال کے ساتھ ادبی روابط کو موثر انداز میں آگے بڑھائیں گے ۔ملاقات کے دوران دونوں ممالک کے درمیا ن ادیبوں کے تبادلے کے حوالے سے بھی گفتگو ہو ئی۔  بعدازاں چیئرمین اکادمی نے پرتگال کے سفیر کو اکادمی کی مطبوعات پیش کیں۔پرتگال کے سفیر نے بھی چیئرمین اکادمی کوپرتگال کی مطبوعات پیش کیں۔