حیدر آباد(نامہ نگار)16 کھلاڑیوں کے کوالیفائنگ راؤنڈ میں حیدرآباد کے آصف بچانی اور کراچی کے پربت کمار نے حیدرآباد جم خانہ پاکستان ڈے ٹینس چیمپیئن شپ کے مین ڈرا میں جگہ بنالی۔ فائنل کوالیفائنگ رانڈ میں پربت کمار نے دادو کے شیراز بھنڈ کو 8-3 کے اسکور سے شکست دی جبکہ آصف بچانی نے نادر بچانی کو 8-6 سے زیر کیا۔ دریں اثنا نادر بچانی نے سیمی فائنل مرحلے میں  لکی لوزر کی حیثیت سے مین ڈرا میں جگہ بنالی۔ مین ڈرا کے مطابق عقیل خان ٹاپ سیڈ، مزمل مرتضی سیکنڈ سیڈ، محمد شعیب (خیبر پختونخوا) تھرڈ اور محمد عابد (لاہور) فورتھ سیڈ ہیں۔