لاہور+ملتان(نیوزرپورٹر+سپیشل رپورٹر) مسلم لیگ ن نے لانگ مارچ کے شیڈول کو حتمی شکل دے دی۔ مریم نواز اور حمزہ شہباز قیادت کریں گے۔ مارچ کا آغاز 24 مارچ کو لاہور سے ہو گا۔ مسلم لیگ ن کی ترجمان عظمی بخاری نے لانگ مارچ کا شیڈول جاری کر دیا۔ 24 مارچ کو حمزہ شہباز اور مریم نواز کی قیادت میں کارواں لاہور سے روانہ ہو گا۔ پہلا پڑاؤ گوجرانوالہ میں ہو گا۔ 25 مارچ کو قافلہ گوجرانوالہ سے جہلم پہنچے گا۔ رات جہلم میں قیام کے بعد  26 مارچ کو جہلم سے روانہ ہو گا۔ رات راولپنڈی میں قیام کے بعد 27 مارچ کی صبح حمزہ شہباز اور مریم نواز شریف کی قیادت میں مارچ اسلام آباد پہنچے گا۔  رانا ثنا اللہ نے کہا ہے کہ 27مارچ کواسلام آباد شاہراہ دستورپر پڑائو ڈالے گااور28مارچ کوعدم اعتماد کی کامیابی کے بعد واپس جائیں گے ۔ ملتان سے سپیشل رپورٹر کے مطابق ملتان ، بہاولپور اور ڈیرہ غازی خان ڈویڑن کے قافلے مل کر 25  مارچ کو نکلیں گے جو رات کو ملتان سے چل کے صبح راولپنڈی میں مرکزی قافلے کے ساتھ شامل ہوں گے۔