کراچی (نیوز رپورٹر) کراچی کے علاقے گلشن اقبال میں شانتی نگرمیں جھونپڑیوں میں آگ لگنے سے5بچے اورخاتون جھلس کرجاں بحق ہوگئے۔ پولیس حکام کے مطابق کراچی کے علاقے گلشن اقبال میں واقع شانتی نگرمیں ایک جھونٹپری میں آگ بھڑک اٹھی جس نے دیگرجھونپٹریوں کوبھی اپنی لپیٹ میں لے لیا۔ آگ سے جھلس کے ایک خاتون اور4بچے موقع پر ہی جاں بحق ہوگئے جبکہ ایک بچے کواسپتال منتقل کیا گیا جہاں وہ زخموں کی تاب نہ لاتے ہوئے انتقال کرگیا۔۔ جاں بحق بچوں میں 9سالہ کامران،11سالہ فرحان،12سالہ صائمہ اور8سالہ طیبہ شامل ہیں۔پولیس کا کہنا ہے کہ فائربریگیڈ نے موقع پرپہنچ کرآگ پرقابو پالیا۔ آگ کے باعث رکشہ اور پانچ جھونپڑیاں مکمل طور پر جل گئیں۔آگ لگنے کی وجہ معلوم نہیں ہوسکی۔