سیالکوٹ+ ڈسکہ (نامہ نگار/ نمائندگان خصوصی) ٹرالے کے نیچے آکر دو موٹر سائیکل سواروں سمیت ٹرالی پر بیٹھا مزدور جاں بحق ہوگیا۔ تفصیلات کے مطابق سیالکوٹ کے علاقہ اوٹھیاں سٹاپ گوجرانوالہ روڈ کے قریب جمعرات اور جمعہ کی درمیانی شب کو میانہ پورہ کا 35 سالہ سلطان اور 37 سالہ چاند پرویز موٹر سائیکل پر جا رہے تھے کہ اینٹوں سے بھری ٹرالی نے موٹرسائیکل کو ٹکر ماری اور موٹر سائیکل سوار دونوں افراد نیچے گر گئے جبکہ اینٹوں سے بھری ٹرالی میں سوار لکڑا کلاں کا مظہر عباس بھی زمین پر گر گیا جس کے اوپر سے بعدازا ںاوور لوڈ ٹرالہ گزر گیا۔ ریسکیو1122کے مطابق تینوں افراد موقع پر جاں بحق ہو گئے ہیں۔ تینوں کو ٹی ایچ کیو ہسپتال ڈسکہ منتقل کر دیا گیا ہے۔