میرپورخاص(بیورو رپورٹ) ایئر فائونڈیشن اسکول سسٹم میں منعقدہ اسپرنگ گالا کا افتتاح معروف زمیندار عمر بگھیو نے کیا اس موقع پر پرائیویٹ اسکولز ایسو سی ایشن کے صدر فیصل خان زئی،مسعود عباس،ذیشان عثمانی،راشد احمد اور ڈائریکٹر ایئر فائونڈیشن اسکول غلام مصطفی بگھیو بھی موجود تھے مہمانوں نے بچوں کی جانب سے لگائے جانے والے سائنسی اور کھانے پینے کے اسٹالوں کا دورہ کیا اور انکی کارکردگی پرمسرت کا اظہار کیا۔ اس موقع پر مہمانوں کا کہنا تھا کہ بچوں میں چھپی تخلیقی صلاحیتوں کو اجاگر کرنے کے لئے اس طرح کی تقریبات کا انعقاد بے حد ضروری ہوتا ہے اسکول کے ڈائریکٹر غلام مصطفی بگھیو کا کہنا تھا کہ موسم بہار کی آمد کے حوالے سے یہ پروگرام ترتیب دیا گیا ہے جسمیں بچوں نے کھانے پینے کی اشیا کے اسٹال لگائے اور مختلف سائنسی ماڈلز بھی بنائے ہیں جبکہ ہم نے بچوں کی تفریح کے لئے مختلف کھیلوں کی سہولیات بھی فراہم کری ہیں تاکہ بچے کھیل کود کر بھی انجوائے کرسکیں اور ہمارا مقصد بچوں کو غیر نصابی سرگرمیوں میں مشغول رکھنا تھا اسپرنگ گالا میں طالب علموں کے والدین نے بھی بڑی تعداد میں شرکت اور اپنے بچوں کی کارکردگی دیکھ اطمینان کا اظہار کیا۔