اسلام آباد (خصوصی نامہ نگار) آئی ایس پی آر کے مطابق سکیورٹی فورسز نے جنوبی آواران میں انٹیلی جنس بنیاد پر دہشتگردوں کے خلاف آپریشن کیا۔ فائرنگ کے تبادلے میں تین دہشت گرد ہلاک ہو گئے۔ ہلاک دہشت گردوں سے اسلحہ اور گولہ بارود برآمد کر لیا گیا۔ دہشت گرد تربت آواران روڈ پر بارودی سرنگیں بچھانے اور گزشتہ تین دن سے متعدد حملوں میں ملوث تھے۔ تینوں دہشت گردوں کو ان کے خفیہ ٹھکانوں پر جاتے ہوئے روکا گیا۔ دہشت گردوں نے روکے جانے پر فائرنگ کر دی۔ تینوں دہشت گرد فائرنگ کے تبادلے میں مارے گئے۔