لاہور(نیوز رپورٹر) بحریہ انکلیو اسلام آباد نے بحریہ انکلیو اسلام آباد کے سیکٹر بی کے سرکلر پارک میں ایک فیملی ایونٹ ’’سپرنگ فیملی گالا 2023‘‘ کا انعقاد کیا۔ میلے کے افتتاحی دن گزشتہ روز راولپنڈی اور اسلام آباد میں خوبصورت پھولوں کی نمائش عوام کی توجہ کا مرکز بنی رہی۔ چیئرمین بحریہ ٹاؤن ملک ریاض حسین اور سی ای او بحریہ ٹاؤن علی ملک ریاض سمیت بحریہ ٹاون مینجمنٹ کی ٹیم نے اس ایونٹ کو بھرپور بنانے پر خصوصی توجہ دی۔2 روزہ ایونٹ گزشتہ روز بحریہ انکلیو اسلام آباد کے سرکلر پارک سیکٹر بی میں صبح 00 :11بجے شروع ہوا اور رات 00 :10بجے تک جاری رہا۔ تقریب کل تک جاری رہے گی۔ تقریب کے ذریعے لوگوں کو بحریہ انکلیو کی رونق اور بہار کی خوبصورتی سے لطف اندوز ہونے کا بہترین موقع فراہم کیا گیا ہے۔ ایونٹ کے ذریعے حاضرین کو پارک کا دورہ کرنے اور پھولوں کی نمائش کیلئے بہترین ماحول کا لطف اٹھانے کا بھی موقع فراہم کیا گیا ہے۔ پہلے دن حاضرین نے موسم بہار کے پھولوں کی دلکش نمائش کا لطف اٹھایا اور نمائش میں پھولوں کی متعدد اقسام کے بارے میں معلومات حاصل کیں۔ اس کے علاوہ فیملیز کیلئے مخصوص سرگرمیاں بھی فراہم کی گئی ہیں جیسے کہ چہرے کی پینٹنگ، غبارے، بچوں کے جھولے، لائیو میوزیکل پرفارمنس، مختلف کارپوریٹ اسپانسرز اور کھانے پینے کی اشیاء کی خرید و فروخت کرنے والوں سے ملنے کے مواقع وغیرہ۔