لاہور (خصوصی نامہ نگار) رمضان المبارک میں عمرہ پر جانے والے حضرات کیلئے جامعہ اشرفیہ لاہور میں عمرہ تربیتی پروگرام آج بروز اتوار صبح 11 بجے سے نماز ظہر تک منعقد ہوگا جس میں احرام باندھنے، طواف، سعی، حلق ، قصر کے طریقے، مدینہ منورہ کے فضائل اور روضہ اقدسؐ پرحاضری کے آداب کے حوالہ سے جامعہ اشرفیہ لاہور کے مہتمم مولانا حافظ فضل الرحیم اشرفی اور پروفیسر مولانا محمد یوسف خان سمیت دیگر علماء خطاب کریں گے۔ عمرہ تربیتی پروگرام میں خواتین کیلئے بھی باپردہ شرکت کا اہتمام ہے۔