لاہور(سپورٹس رپورٹر)پاکستان سپر لیگ کے آٹھویں ایڈیشن کی ٹیم لاہور قلندرز کے فاسٹ بائولر حارث رؤف کی ٹائٹل کے کامیاب دفاع کے بعد گراؤنڈ میں آبدیدہ ہونے کی ویڈیو سوشل میڈیا پر وائرل ہو رہی ہے۔پی ایس ایل فائنل جیتنے کے بعد لاہور قلندرز کے تمام کھلاڑی اور انتظامیہ خوشی کے مارے میدان میں آ گئی اور اسی دوران حارث رؤف خوشی کے مارے اپنے آنسوؤں پر قابو نہ پا سکے جس کی ویڈیو سوشل میڈیا پر بھی وائرل ہے۔ویڈیو میں دیکھا جا سکتا ہے کہ حارث رؤف رو رہے ہیں اور سی او او لاہور قلندرز ثمین رانا انہیں دلاسہ دے رہے ہیں، ساتھی کھلاڑی راشد خان بھی حارث رؤف کی حوصلہ افزائی کر رہے ہیں۔