لاہور(سپورٹس رپورٹر)پاکستان نیٹ بال فیڈریشن کے زیراہتمام قومی جونیئر گرلز ٹیم کی سلیکشن کیلئے ایک روزہ اوپن ٹرائلز آج ایس اے گارڈن ٹائون، لاہور میں ہونگے۔ پاکستان نیٹ بال فیڈریشن کے صدر مدثر آرائیں نے بتایا کہ چار رکنی فومی الیکشن کمیٹی قائم کی گئی ہے۔محمد ریاض سلیکشن کمیٹی کے سربراہ ہونگے جبکہ دیگر ممبران میں اعجاز الحق، انوار احمد اور قرت العین شامل ہیں ۔ملک بھر سے لڑکیاں حصہ لے سکتی ہیں۔ منتخب ٹیم رواں برس جون میں کوریا میں کھیلی جانے والی ایشین جونیئر گرلز نیٹ بال چیمپئن شپ میں شرکت کریگی۔