کامونکی:  زیورات،بھینس موٹر سائیکل،پیٹر انجن،لائسنسی  پسٹل اور دیگر سامان چوری

کامونکی(نمائندہ خصوصی)چوری کی مختلف وارداتوں میں طلائی زیورات،بھینس،موٹر سائیکل،پیٹر انجن،لائسنسی پسٹل اور دیگر سامان چْرا لیا گیا۔بتایا گیا  کہ گزشتہ روز منڈیالہ پونائچ کے نمبردار  رانا گل نواز خاں کی حویلی میں کھڑی گاڑی سے اْن کا پسٹل نامعلوم چورچوری کرکے لیا گیا۔تچک علاؤالدین کے نعیم خضر کے گھر سے اْنکی ملازمہ زریاب پانچ تولے طلائی زیورات چوری کرکے لے گئی۔کوٹلی پکی کے غلام مرتضیٰ کی حویلی سے رات کو موضع ٹھٹھہ کے ساجد،وہاب،احسان اور شاہد لاکھوں روپے مالیت کی بھینس چوری کرکے لے گئے۔محلہ دولت پورہ کا عمران گھر کے باہر موٹر سائیکل کھڑی کرکے اندر چلا گیا تو نامعلوم چور اْسکی غیر موجودگی میں موٹر سائیکل چوری کرکے لے گئے۔محلہ رسولنگر کے محمد شہباز کی حویلی سے پیٹر انجن چوری ہوگیا۔