ننکانہ: دیہاتیوں اور ڈاکوئوں میں فائرنگ کا تبادلہ ‘ ایک ڈاکو زخمی

ننکانہ صاحب (نامہ نگار)دیہاتیوں اور ڈاکوئوں میں فائرنگ کے تبادلہ میں ایک ڈاکو زخمی ہو گیااور ایک گائے ہلاک اور دو ڈاکو فرار ہو گئے۔ تفصیلات کے مطابق تھانہ صدر ننکانہ کے نواحی گاؤں کوٹ سنترام کے رہائشی نوید ڈوگر کی حویلی مویشاں میں داخل ہوکر تین ڈاکو مویشی چوری کر کے جانے لگے کہ وہاں موجود نوید ڈوگرنے فائرنگ کی جس کے جواب میں ڈاکوئوں نے بھی فائرنگ کی فائرنگ کے تبادلہ میں ایک ڈاکو زخمی ہوگیا جبکہ ساڑھے پانچ لاکھ روپے مالیت کی گائے ہلاک ہوگئی ۔ ریسکیو1122 عملہ نے زخمی ڈاکو جہانگیر کو ہسپتال منتقل کردیا ۔