واشنگٹن (رائٹر) امریکی صدر بارک اوباما نے بظاہر افغانستان میں امریکی موجودگی سمیٹنے کیلئے کانگریس سے افغانستان اور دیگر اوورسیز جنگی اخراجات میں 10 فیصد کمی کے لئے کہا ہے۔ کانگرس کے نام خط میں صدر اوباما نے کہا ہے کہ 2014ءکے مالی سال میں اوورسیز کنٹنجنسی آپریشنز کے لئے 79.4 بلین ڈالر طلب کئے ہیں۔ یہ اخراجات یکم اکتوبر سے شروع ہونے والے سال کیلئے ہیں۔ اس سے قبل 88.5 بلین ڈالر کے اخراجات کئے جا رہے تھے۔