لاہور (کامرس رپورٹر) ینگ ڈاکٹرز نے یکم جون سے پنجاب بھر کے ہسپتالوں میں ہڑتال کا اعلان کردیا۔ پہلے مرحلے میں آئوٹ ڈورز میں مکمل ہڑتال کی جائے گی اور سڑکوں پر نہیں نکلا جائے گا۔ اس بات کا اعلان ینگ ڈاکٹرز ایسوسی ایشن کے رہنما ڈاکٹر عامر بندیشہ نے دیگر رہنمائوں کے ہمراہ پی آئی سی میں پریس کانفرنس کے دوران کیا۔ انہوں نے کہا کہ محکمہ صحت ٹال مٹول کرتے ہوئے انکے مطالبات کو  نظرانداز کر رہا ہے۔ انہوں نے کہا کہ اب ہم سڑکوں پر نہیں آئیں گے بلکہ آئوٹ ڈورز کو مکمل طور پر یکم جون سے بند کردیں گے اگر پھر بھی عمل درآمد نہ کیا گیا تو مزید لائحہ عمل تیار کیا جائے گا۔