کراچی (آن لائن)چینی بحریہ کے سربراہ ایڈمرل ووشینگلی چیف آف نیول سٹاف ایڈمرل محمد ذکاء اللہ کی دعوت پر پاکستان کے سرکاری دورے پر پہنچ گئے۔ معزز مہمان کا پاکستان نیوی فلیٹ ہیڈ کوارٹرز آمد پر پاک بحریہ کے سربراہ نے خیرمقدم کیا۔ ایڈمرل ووشینگلی نے چیف آف نیول سٹاف سے ملاقات کی اور پیشہ ورانہ امور پر تفصیلی تبادلہ خیال کیا۔ انہیں آپریشنل امور پر مفصل بریفنگ بھی دی گئی۔ چینی بحریہ کے سربراہ نے کہا کہ ایک ذمہ دار ریاست کی حیثیت سے پاکستان خطے کی میری ٹائم سکیورٹی اور استحکام میں مرکزی کرار ادا کررہا ہے جو خطے میں آزادانہ اور محفوظ جہاز رانی کے لیے نہایت اہمیت کا حامل ہے۔