آرنلڈ شوازینگر پر جنوبی افریقہ میں حملہ

لاہور(شوبز ڈیسک )ہولی وڈ سٹار آرنلڈ شوازینگر پر جنوبی افریقہ میں حملہ کیا گیا مگر 71 سالہ اداکار فوری طور پر سنبھل گئے اور کہا 'میں خوش ہوں کہ ایک بیوقوف میرے سنیپ چیٹ میں مداخلت نہیں کرسکا۔ کیلیفورنیا کے سابق گورنر جوہانسبرگ میں کھیلوں کے ایونٹ میں بچوں کیساتھ کھڑے تھے جب ایک شخص نے کمر پر فلائنگ کک ماری جس کے بعد آرنلڈ شوازینگر آگے کی جانب لڑھک گئے۔ حملہ آور کو فوری طور پر سکیورٹی نے پکڑ لیا۔