لاہور(نمائندہ سپورٹس) آئی سی سی نے ورلڈکپ کا آفیشل گانا جاری کردیا۔برطانوی بینڈ روڈیمنٹل اور آرٹسٹ لورین نے ورلڈکپ کا گانا گایا ہے جس کا نام اسٹینڈ بائی ہے۔ گانے میں ورلڈ کپ میں شرکت کرنے والے تمام 10 ممالک کے افراد کو جھومتے گاتے ہوئے اور کرکٹ کا جشن مناتے ہوئے دکھایا گیا ۔اس آفیشل گانے کو عالمی کپ کے دوران تمام میچز میں میدانوں اور شہروں میں بجایا جائے گا۔55دن تک جاری رہنے والے عالمی کپ کے دوران دنیا کے اربوں شائقین کو 48دلچسپ میچ دیکھنے کو ملیں گے اور اس دوران ان کا جوش و جذبہ بڑھانے کے لیے یہ گانا سٹیڈیم میں بجایا جائیگا۔