لاہور(نمائندہ سپورٹس) جنوبی افریقہ ویمنز ٹیم نے پاکستان کو دوسرے ٹی ٹونٹی میچ میں 8وکٹوں سے شکست دے کر پانچ میچوں کی سیریز ایک ایک سے برابر کردی ۔ گرین شرٹس ویمنز نے ٹاس جیت کربلے بازی کا فیصلہ کیا اور 5وکٹوں کے نقصان پر 128رنز بنائے ۔ جویریہ رئوف سولہ ‘عمائمہ سہیل تئیس ‘ندا ڈار چار ‘عالیہ ریاض تیرہ ‘ارم جاوید صفر پر آئوٹ ہوئیں ۔ کپتان بسمہ معروف 63رنز پر ناقابل شکست رہیں ۔ایس لووس نے دو ‘کیپ ‘کلاس اور سیکھو کھونے نے ایک ایک کھلاڑی کو آئوٹ کیا ۔ جنوبی افریقہ ویمنز نے ہدف دو وکٹوں کے نقصان پر پوراکرلیا ۔ لی 56اور برٹس سترہ رنز بناکر آئوٹ ہوئیں ۔ کیپ چھپن رنز پرناقابل شکست رہیں ۔ ثنا ء میر اور ندا ڈار نے ایک ایک کھلاڑی کو آئوٹ کیا ۔ لزلے لی کو میچ کی بہترین کھلاڑی قرار دیا گیا ۔