مسلم لیگ (ن) کے بیانیے کو گلی گلی پہنچایا جائے: احسن اقبال

اسلام آباد(آئی این پی) مسلم لیگ( ن) کے سیکرٹری جنرل احسن اقبال نے ہدایت کی ہے کہ مسلم لیگ( ن) کے بیانیے کو گلی گلی ، محلہ محلہ پہنچایا جائے، پارٹی کے مخلص، نظریاتی اور قربانیاں دینے والے کارکنوں کو آگے لایا جائے،غیر فعال اور غیرموثر عہدیداروں کی جگہ نئی قیادت کوموقع دیاجائے۔ہفتہ کو احسن اقبال نے پارٹی کی صوبائی تنظیموں کو نئی ہدایات جاری کردیں، ہدایات میں کہا گیا ہے کہ عید سے قبل صوبائی، ڈویژنل اور ونگز کی تنظیم نو کو مشاورت سے مکمل کیا جائے،مسلم لیگ( ن) کے بیانیے کو گلی گلی ، محلہ محلہ پہنچایا جائے، ضلعی تنظیموں کی کارکردگی کا فوری جائزہ لیا جائے،غیر فعال اور غیرموثر عہدیداروں کی جگہ نئی قیادت کوموقع دیاجائے،نام کیلئے عہدوں کی روایت ختم کریں،صرف کارکردگی پر ہی عہدے برقرار رہیں گے،مخلص، نظریاتی اور قربانیاں دینے والے کارکنوں کو آگے لایا جائے،نوجوانوں اور خواتین کی تنظیموں کو موثر بنایا جائے۔ احسن اقبال نے اپنی ہدایات میں مزید کہا کہ گراس روٹ لیول پر عوامی نوعیت اور رابطہ کے پروگرام تشکیل دیے جائیں، عید کے فوری بعد ڈویژنل کنونشن کے پروگرامز کو حتمی تشکیل دیا جائے،پارٹی کے ان پروگراموں میں مرکزی قیادت بھی شریک ہوگی۔