ایف اے او کے صدر دفترمیں پاکستان کوخوراک کی فراہمی پربریفنگ

اسلام آباد ( سپیشل رپورٹ) اقوام متحدہ کے عالمی ادارہ برائے خوراک کے روم کے صدر دفتر میں کورونا وائرس سے پاکستان میں خوراک کی فراہمی اور اس سے متعلقہ امور پر ایک بریفنگ دی گئی۔ بریفنگ میں ایف اے او کے اعلی حکام کو بتایا گیا کہ عالمی ادارہ خوراک پاکستان میں خوراک کی فراہمی کو یقینی بنانے اور کورونا وائرس کے پھیلاؤ کوروکنے کے لیے پاکستان کی فوڈ سیکورٹی کی وزارت کے تعاون سے کام کررہا ہے۔ عالمی ادارہ خوراک کے ایک پریس ریلیز میں بتایا گیا ہے کہ ایف اے او پاکستان میں کسانوں اور زرعی شعبہ میں کورونا وائرس کے بارے میں آگاہی مہم میں بھی پاکستان کو فنی امداد دے رہا ہے۔