ڈی اے پی کی قیمت5582روپے  بوری ہوگئی،کاشتکار پریشان 

خانیوال (خبرنگار) ڈی اے پی کھاد کی قیمت تاریخ کی بلند ترین سطح پر پہنچ گئی، تفصیل کے مطابق انٹرنیشنل مارکیٹ میں فاسفورس کھادوں کی بڑھتی ہوئی قیمتوں کے باعث پاکستان میں بھی فاسفورس کھادوں کی قیمتیں آسمان سے باتیں کرنے لگیں ہیں گزشتہ روز ڈی اے پی کی فی بوری میں مزید اضافہ دیکھنے میں آیا ڈی اے پی کھاد 150روپے مزید اضافہ کے ساتھ5582روپے ہوگئی جو تاریخ کی بلند ترین سطح ہے ڈی اے پی کھاد کی قیمت میں مزید اضافہ کا امکان بتایا جاتا ہے اور ڈی اے پی کی قیمت6000روپے تک بھی پہنچ سکتی ہے اس صورتحال سے اپنی معاشی جنگ لڑنے والا کاشتکار انتہائی پریشان ہے۔