محراب پور (نامہ نگار) محراب پور دن دھاڑے سبزی منڈی تاجران سے ڈکیتی کی کوشش، مزاحمت پر 3  تاجر زخمی، اسپتال منتقل، آج ہالانی روڈ کیساتھ واقع سبزی منڈی محراب پور سے موٹر سائیکل پر نقدی لیکر بینک جمع کرانے کیلئے آنے والے مشتاق احمد کمبوہ، محمد فیصل کمبوہ اور محمد کامران کمبوہ پر تاک میں بیٹھے ہوئے موٹر سائیکل سواروں نے اسلحہ کے زور پر ڈکیتی کی کوشش کی تاہم تاجروں کی جانب سے نقدی گودو نہر میں پھینک کر مزاحمت کی تو ملزمان نے پستول سے بٹ مار کر مشتاق احمد کمبوہ کو زخمی کردیا، مسلح افراد ہوائی فائرنگ کرتے ہوئے فرار ہونے میں کامیاب ہوگئے۔ سبزی منڈی کے تاجروں نے احتجاج کرتے ہوئے ملزمان کی فوری گرفتاری کا مطالبہ کیا ہے، دوسری طرف محراب پور پولیس نے واردات کی این سی داخل کرکے زخمی تاجروں کو اسپتال منتقل کردیا ہے۔