لاہور(نامہ نگار )مصطفی آباد پولیس نے زہریلی شراب فروخت کرنے والے تین ملزمان ندیم، ابرار‘ افضال کو گرفتار کرلیا اور ملزمان کے قبضہ سے 30 ہزار لیٹر زہریلی شراب سے بھرا ٹینکر برآمد کر لیا ہے۔ملزمان کو مخبر خاص کی اطلاع پر کنٹینر سمیت گرفتار کیا ہے۔ پولیس نے ملزمان کے خلاف تھانہ مصطفی آباد میں مقدمہ درج کر کے تفتیش شروع کردی ہے جبکہ پولیس کے مطابق ملزمان کا چوتھا ساتھی فرار ہونے میں کامیاب ہو گیا ہے۔ فرار ہونے والے ملزم طلحہ کی تلاش میں چھاپے مار رہے ہیں۔زہریلی شراب عیدالاضحیٰ پر فروخت ہونا تھی۔