فیصل آباد، خاتون اور بچے، قصور میں 2 سوتیلی بیٹیوں سے مبینہ زیادتی

فیصل آباد؍ قصور (نمائندہ خصوصی+ نمائندہ نوائے وقت) اوباش افراد نے خاتون اور بچے کو ہوس کا نشانہ بنا دیا۔ تھانہ لنڈیانوالہ کے علاقہ 146 گ ب میں طارق کی بھابھی کھیتوں میں کام کر رہی تھی کہ اسی دوران وحید وغیرہ دو ملزموں نے اسلحہ کے زور پر اسے زبردستی زیادتی کا نشانہ بنا دیا اور فرار ہو گئے۔ تھانہ روشن والا کے علاقہ 233 ر ب میں بلاول خان کا بیٹا فیصل گلی میں کھیل رہا تھا کہ ملزم فیضان بچے کو ورغلا کر اپنے گھر لے گیا اور اسے زبردستی زیادتی کا نشانہ بنا دیا۔ علاوہ ازیں اوباش افراد نے نوجوان کو زیادتی کا نشانہ بنا دیا اور ویڈیو بنا کر بلیک میل کرتے رہے۔ تھانہ بٹالہ کالونی کے علاقہ امین پارک میں تین اوباش ملزمان رشید کے بیٹے عثمان کو دھوکہ دہی سے ساتھ لے گئے اور خالی مکان میں لے جا کر ڈرا دھمکا کر اسے زبردستی زیادتی کا نشانہ بنا دیا اور اس کی برہنہ تصاویر اور ویڈیو بنا لی۔ بعد ازاں ملزمان اسے بلیک میل کرتے ہوئے مختلف اوقات میں زیادتی کا نشانہ بناتے رہے اور اس سے رقم اینٹھتے رہے۔ بٹالہ کالونی پولیس نے مقدمہ درج کر لیا ہے۔ قصور سے نمائندہ نوائے وقت کے مطابق قصورکے نواح کھڈیاں کے علاقے میں باپ کی سوتیلی دو بیٹیوں سے مبینہ زیادتی، پولیس نے مقدمہ درج کر لیا۔ صدیقیہ کالونی کے رہائشی جاوید نے پولیس تھانہ میں اطلاع درج کروائی ہے کہ رخصانہ بی بی نے ملزم یعقوب سے دوسری شادی کر رکھی ہے اور رخصانہ بی بی کے پہلے شوہر سے 15سالہ (ث)  اور 12سالہ (ص) دو بیٹیاں ہیں جن سے ملزم یعقوب مبینہ طور پر زیادتی کا مرتکب ہوا ہے۔ اس کے خلاف کارروائی عمل میں لائی جائے۔ پولیس تھانہ کھڈیاں مصروف تفتیش ہے۔