فیروزوالہ( نامہ نگار) ڈکیتی، راہزنی اور چوری کی متعدد وارداتیں‘ دو اساتذہ‘ میاں بیوی سمیت متعدد افراد کو دن دہاڑے لوٹ لیا۔ منڈیالی کے قریب ڈاکو موٹر سائیکل سوار سکول کے دواساتذہ وقاص اور ساتھی سے ہزاروں روپے کی نقدی دو موبائل چھین کر لے گئے۔ دو ساکو چوک کوٹ عبدالمالک کے قریب ڈاکو موٹر سائیکل سوار شہزاد اس کی بیوی سے نقدی طلائی زیورات اور موبائل چھین کر لے گئے۔تھانہ صدر شیخوپورہ کے قریب موٹرسائیکل سوار ڈاکوؤں نے گاڑی نہ روکنے پر گاڑی سواروں پر فائرنگ کر دی جس کے نتیجہ میں ایک نوجوان منشا زخمی ہو گیا۔ ثناء اللہ،رمضان اورعلی منشا پر فائرنگ کردی گولی لگنے سے علی منشاء زخمی  ہو گیا۔ ڈاکو گن پوائنٹ پر دکاندار وقاس سے ایک لاکھ 60 ہزار روپے رقم چھین کر لے گئے۔ ڈاکوؤں نے کوٹ عبداللہ میں کبیر کے گھر میں داخل ہوکر ہزاروں روپے نقدی اورموبائل چھین کرفرارہو گئے ۔ ڈاکو خالد محمود اور احسان سے موٹر سائیکل نقدی اور دو موبائل چھین کر فرار ہو گئے۔